سورة العنكبوت - آیت 6

وَمَن جَاهَدَ فَإِنَّمَا يُجَاهِدُ لِنَفْسِهِ ۚ إِنَّ اللَّهَ لَغَنِيٌّ عَنِ الْعَالَمِينَ

ترجمہ مکہ - مولانا جوناگڑھی صاحب

اور ہر ایک کوشش کرنے والا اپنے ہی بھلے کی کوشش کرتا ہے۔ ویسے تو اللہ تعالیٰ تمام جہان والوں سے بے نیاز ہے (١)

تسہیل البیان فی تفسیر القرآن - ام عمران شکیلہ بنت میاں فضل حسین

اس کامطلب وہی ہے جوسورہ الجاثیہ (۱۱۵)کاہے یعنی جونیک عمل کرے گا،اس کافائدہ اسی کوہوگاورنہ اللہ تعالیٰ توبندوں کے افعال سے بے نیازہے۔اگرسارے کے سارے انسان متقی بن جائیں تواس سے اس کی سلطنت میں قوت واضافہ نہیں ہوگااورسب نافرمان ہوجائیں تواس سے اس کی بادشاہی میں کوئی کمی نہیں ہوگی۔حضرت حسن بصری فرماتے ہیں، جہاد تلوار چلانے کاہی نام نہیں۔انسان نیکیوں کی کوشش میں لگارہے یہ بھی ایک طرح کاجہادہے۔ (ابن کثیر)