سورة القصص

قُلْ أَرَأَيْتُمْ إِن جَعَلَ اللَّهُ عَلَيْكُمُ النَّهَارَ سَرْمَدًا إِلَىٰ يَوْمِ الْقِيَامَةِ مَنْ إِلَٰهٌ غَيْرُ اللَّهِ يَأْتِيكُم بِلَيْلٍ تَسْكُنُونَ فِيهِ ۖ أَفَلَا تُبْصِرُونَ

پوچھئے! کہ یہ بھی بتا دو کہ اگر اللہ تعالیٰ تم پر ہمیشہ قیامت تک دن ہی دن رکھے تو بھی سوائے اللہ کے کوئی معبود ہے جو تمہارے پاس رات لے آئے؟ جس میں تم آرام حاصل کرسکو، کیا تم دیکھ نہیں رہے ہو؟

اسی طرح اگروہ تم پردن ہی کوروک دے،رات آئے ہی نہیں تو بھی تمہاری زندگی تلخ ہوجائے، اور تم تھک جاؤتنگ ہوجاؤ۔کوئی نہیں جسے قدرت ہوکہ وہ رات لاسکے،جس میں تم آرام کرلو،لیکن تم آنکھیں رکھتے ہوئے بھی اللہ کی ان نشانیوں اور مہربانیوں کو دیکھتے ہی نہیں ہو۔