سورة القصص - آیت 16

قَالَ رَبِّ إِنِّي ظَلَمْتُ نَفْسِي فَاغْفِرْ لِي فَغَفَرَ لَهُ ۚ إِنَّهُ هُوَ الْغَفُورُ الرَّحِيمُ

ترجمہ مکہ - مولانا جوناگڑھی صاحب

پھر دعا کرنے لگا کہ اے پروردگار! میں نے خود اپنے اوپر ظلم کیا، تو مجھے معاف فرما دے (١) اللہ تعالیٰ نے اسے بخش دیا، وہ بخشش اور بہت مہربانی کرنے والا ہے۔

تسہیل البیان فی تفسیر القرآن - ام عمران شکیلہ بنت میاں فضل حسین

قتل خطاپر موسیٰ علیہ السلام کی دعائے مغفرت: یہ اتفاقیہ قتل اگرچہ کبیرہ گناہ نہیں تھاکیونکہ کبائر سے اللہ تعالیٰ اپنے پیغمبروں کی حفاظت فرماتاہے تاہم یہ بھی ایساگناہ نظر آتاتھا جس کے لیے بہت بخشش مانگنا انہوں نے ضروری سمجھی ۔ دوسرے انھیں خطرہ تھاکہ فرعون کو اس کی اطلاع ملی تو وہ اس کے بدلے انھیں قتل نہ کردے ۔