سورة الشعراء - آیت 215

وَاخْفِضْ جَنَاحَكَ لِمَنِ اتَّبَعَكَ مِنَ الْمُؤْمِنِينَ

ترجمہ مکہ - مولانا جوناگڑھی صاحب

اس کے ساتھ نرمی سے پیش آ، جو بھی ایمان لانے والا ہو کہ تیری تابعداری کرے۔

تسہیل البیان فی تفسیر القرآن - ام عمران شکیلہ بنت میاں فضل حسین

یعنی ان قریبی رشتہ داروں میں سے جو آپ صلی اللہ علیہ وسلم پر ایمان لے آئیں اور آپ کی دعوت کو تسلیم کرلیں آپ صلی اللہ علیہ وسلم ان سے تواضع سے پیش آئیے اور جو نہ مانے انھیں صاف بتادیجیے کہ قیامت کے دن میں تمہارے کسی کام نہ آسکوں گا تمہیں اپنے ان شرکیہ اعمال و افعال کانتیجہ خود ہی بھگتنا پڑے گا تاہم یہ حکم عام ہے جس میں آپ صلی اللہ علیہ وسلم کے رشتہ داراور غیر رشتہ دار سب شامل ہیں۔