سورة الشعراء - آیت 201

لَا يُؤْمِنُونَ بِهِ حَتَّىٰ يَرَوُا الْعَذَابَ الْأَلِيمَ

ترجمہ مکہ - مولانا جوناگڑھی صاحب

وہ جب تک دردناک عذابوں کو ملاحظہ نہ کرلیں ایمان نہ لائیں گے۔

تسہیل البیان فی تفسیر القرآن - ام عمران شکیلہ بنت میاں فضل حسین

یہ لوگ دراصل لاتوں کے بھوت ہیں ان کاعلاج دلائل نہیں بلکہ ڈنڈا ہے۔ یعنی جب تک اللہ کاعذاب اپنی آنکھوں سے نہ دیکھ لیں گے ایمان نہیں لائیں گے، خواہ یہ عذاب دنیا میں ان پر آئے یا موت کے وقت اسے دیکھیں یا اسے قیامت کو دیکھیں۔ اس وقت یہ سب باتیں مانتے چلے جائیں گے۔ لیکن اس وقت ان کے ماننے کی کچھ قدر وقیمت نہ ہوگی۔