سورة الشعراء - آیت 154

مَا أَنتَ إِلَّا بَشَرٌ مِّثْلُنَا فَأْتِ بِآيَةٍ إِن كُنتَ مِنَ الصَّادِقِينَ

ترجمہ مکہ - مولانا جوناگڑھی صاحب

تو تو ہم جیسا ہی انسان ہے۔ اگر تو سچوں سے ہے تو کوئی معجزہ لے آ۔

تسہیل البیان فی تفسیر القرآن - ام عمران شکیلہ بنت میاں فضل حسین

قوم ثمود کا حسّی معجزہ کامطالبہ: صالح علیہ السلام نے پوچھا:کونسی نشانی چاہیے ہو؟وہ کہنے لگے ہم یہ چاہتے ہیں کہ یہ سامنے جوپتھرکی بڑی سی چٹان ہے ہمارے دیکھتے ہوئے پھٹے اور اس میں سے ایک گابھن اونٹنی برامد ہو جو ہمارے سامنے بچہ جنے توہم آپ پرایمان لے آئیں گے۔صالح علیہ السلام نے اللہ تعالیٰ سے دُعا فرمائی، جسے اللہ تعالیٰ نے شرف قبولیت بخشا چنانچہ پہاڑ پھٹا، جس سے ایک عظیم الجثہ اور دیو ہیکل اونٹنی نکلی۔ جس نے نکلتے ہی لوگوں کے سامنے بچہ جنا۔جب قوم کامطلوبہ معجزہ ظہورمیں آگیاتوآپ نے فرمایا،اب سنوایک دن یہ پانی پیئے گی اورایک دن پانی کی باری تمہاری مقرر رہے گی۔