سورة الشعراء - آیت 116

قَالُوا لَئِن لَّمْ تَنتَهِ يَا نُوحُ لَتَكُونَنَّ مِنَ الْمَرْجُومِينَ

ترجمہ مکہ - مولانا جوناگڑھی صاحب

انہوں نے کہا کہ اے نوح! اگر تو باز نہ آیا تو یقیناً تجھے سنگسار کردیا جائے گا۔

تسہیل البیان فی تفسیر القرآن - ام عمران شکیلہ بنت میاں فضل حسین

نوح علیہ السلام نے تقریباًساڑھے نوسوسال تبلیغ کی،اس کے باوجودان کی قوم بداخلاقی اور اغراض پرقائم رہی اور بالآخرصاف صاف یہ کہہ دیاکہ اگراب ہمیں اس دین کی دعوت دی توہم تجھ پرپتھراؤکرکے تمہاری جان لے لیں گے۔ جب نوح علیہ السلام قوم میں سے کسی نئے فردکے ایمان لانے سے قطعاًمایوس ہوگئے توآپ کے ہاتھ بھی جناب باری میں اٹھ گئے۔