نوح علیہ السلام نے جواب دیاکہ یہ میرافرض نہیں کہ کوئی حق قبول کرنے کوآئے تومیں اس سے اس کی قوم اورپیشہ دریافت کرتاپھروں،اندرونی حالات پر اطلاع رکھنا اور اس کا حساب لینا اللہ کا کام ہے افسوس تمہیں اتنی سمجھ بھی نہیں۔ تمہاری اس خواہش کوپوراکرنامیرے اختیارسے باہرہے۔کہ میں ان مسکینوں سے اپنی محفل خالی کرالوں۔میں تواللہ کی طرف سے ایک آگاہ کردینے والا ہوں۔ جو بھی یہ بات مانے،وہ میرا، اور جو نہ مانے،وہ خود ذمہ دار ہے چاہے وہ شریف ہو یا رذیل، امیر ہو یا غریب۔