سورة الشعراء

كَذَٰلِكَ وَأَوْرَثْنَاهَا بَنِي إِسْرَائِيلَ

اسی طرح ہوا اور ہم نے ان (تمام) چیزوں کا وارث بنی اسرائیل کو بنا دیا (١)

یعنی جو اقتدار اور بادشاہت فرعون کو حاصل تھی وہ اس سے چھین کر ہم نے بنی اسرائیل کو عطا کر دی۔ جو آج تک پست حال تھے۔ ذلیل ونادار تھے، چونکہ ہمارا ارادہ ہو چکا تھا کہ ہم کمزوروں کو ابھاریں گے اور ان گرے پڑے لوگوں کو برسر ترقی لائیں گے اور انھیں پیشوا اور امام بنائیں گے سو وہ ارادہ ہم نے پورا کیا۔