سورة الشعراء

وَقِيلَ لِلنَّاسِ هَلْ أَنتُم مُّجْتَمِعُونَ

اور عام لوگوں سے بھی کہہ دیا گیا کہ تم بھی مجمع میں حاضر ہوجاؤ گے؟ (١)

مقابلہ کے لیے دن قومی میلہ یا جشن نو روز کا اور وقت چاشت کا تجویز ہوا تاکہ اس وقت تک اردگرد کے سب لوگ بھی دارالحکومت میں پہنچ سکیں۔ اور وقت بھی ایسا تجویز ہوا جس میں سورج کی روشنی پوری طرح کھل جاتی ہے۔ دھوپ میں ابھی گرمی کی شدت بھی نہیں ہوتی۔ جب مقابلے کے وقت کا تعین ہوگیا تو فرعون نے اپنے درباریوں اور عوام کو بھی تاکید کی کہ تمہیں بھی یہ معرکہ دیکھنے کے لیے حاضر ہونا ہے۔