سورة آل عمران

نَزَّلَ عَلَيْكَ الْكِتَابَ بِالْحَقِّ مُصَدِّقًا لِّمَا بَيْنَ يَدَيْهِ وَأَنزَلَ التَّوْرَاةَ وَالْإِنجِيلَ

جس نے آپ پر حق کے ساتھ اس کتاب کو نازل فرمایا (١) جو اپنے سے پہلے کی تصدیق کرنے والی ہے اسی اس سے پہلے تورات اور انجیل کو اتارا تھا

پہلی کتابوں میں تورات، انجیل، زبور، صحف آدم، صحف ابراہیم اور صحف موسیٰ شامل ہیں اور قرآن کریم اس بات کی تصدیق کرتا ہے کہ یہ تمام آسمانی کتابیں من جانب اللہ ہیں۔ نزل: اللہ کا طریقہ کار ہے كہ تھوڑا تھوڑا وقت اور حالات کے مطابق کتاب کو نازل کیا گیا ہے۔ رسول اللہ پر حق كے ساتھ پہلی آنے والی کتابوں کی تصدیق کرنے والی ہے۔ لیکن آج یہ گزشتہ كتابیں اپنی اصلی صورت میں موجود نہیں لیکن جو چیزیں قرآن میں ثابت ہیں وہ ماننے والی ہیں۔ قرآن ان ساری سچائیوں کی تصدیق کرتا ہے جو پہلے نبیوں پر نازل ہوئیں۔