سورة الشعراء

وَمَا يَأْتِيهِم مِّن ذِكْرٍ مِّنَ الرَّحْمَٰنِ مُحْدَثٍ إِلَّا كَانُوا عَنْهُ مُعْرِضِينَ

اور ان کے پاس رحمان کی طرف سے جو بھی نئی نصیحت آئی یہ اس سے روگردانی کرنے والے بن گئے۔

جب کوئی آسمانی کتاب نازل ہوئی تو بہت سے لوگوں نے اس سے منہ موڑ لیا۔ باوجود تیری پوری آرزو کے اکثر لوگ بے ایمان ہی رہیں گے۔ چنانچہ ارشاد باری تعالیٰ ہے: ﴿يٰحَسْرَةً عَلَى الْعِبَادِ مَا يَاْتِيْهِمْ مِّنْ رَّسُوْلٍ اِلَّا كَانُوْا بِهٖ يَسْتَهْزِءُوْنَ﴾ (یٰسٓ: ۳۰) ’’بندوں پر افسوس ہے کہ ان کے پاس جو بھی رسول آیا، انھوں نے اس کا مذاق اڑایا۔‘‘ اور ایک جگہ ارشاد ہے ہم نے پے در پے پیغمبر بھیجے لیکن جس امت کے پاس اس کا رسول آیا، اس نے اپنے رسول کو جھٹلانے میں کمی نہ کی۔‘‘ پھر فرمایا: نبی آخر الزمان کی قوم نے بھی اسے جھٹلایا ہے۔