سورة النور

يُقَلِّبُ اللَّهُ اللَّيْلَ وَالنَّهَارَ ۚ إِنَّ فِي ذَٰلِكَ لَعِبْرَةً لِّأُولِي الْأَبْصَارِ

اللہ تعالیٰ ہی دن اور رات کو ردو بدل کرتا رہتا ہے (١) آنکھوں والوں کے لئے تو اس میں یقیناً بڑی بڑی عبرتیں ہیں۔

گردش لیل ونہار: رات اور دن کا باری باری آنا بھی اللہ کی معرفت کی نشانیوں میں ایک بڑی نشانی ہے۔ وہ جب چاہتا ہے دن کو چھوٹا اور رات کو بڑا کر دیتا ہے اور جب چاہتا ہے رات کو چھوٹا کر کے دن کو بڑا کر دیتا ہے۔ یہ تمام نشانیاں اللہ کی عظمت کو آشکارا کرتی ہیں جیسے کہ فرمانِ الٰہی ہے کہ آسمان وزمین کی پیدائش، رات دن کے اختلاف میں عقلمندوں کے لیے بہت سی نشانیاں ہیں۔