سورة المؤمنون

ثُمَّ أَرْسَلْنَا مُوسَىٰ وَأَخَاهُ هَارُونَ بِآيَاتِنَا وَسُلْطَانٍ مُّبِينٍ

پھر ہم نے موسیٰ (علیہ السلام) کو اور اس کے بھائی ہارون (علیہ السلام) کو اپنی آیتوں اور کھلی دلیل (١) کے ساتھ بھیجا۔

آیات سے مراد نو آیات ہیں جن کا ذکر سورت اعراف میں گزر چکا ہے اور جن کی وضاحت گزر چکی ہے اور سُلْطٰنٍ مُّبِيْنٍسے مراد حجت واضحہ اور دلیل و برہان ہے جس کا کوئی جواب فرعون اور اس کے درباریوں سے نہ بن پڑا تھا انھوں نے بھی سابقہ کافروں کی طرح نبیوں کی تکذیب و مخالفت کی اور سابقہ کفار کی طرح ہی کہا کہ ہم اپنے جیسے انسانوں کی نبوت کے قائل نہیں۔ ان کے دل بھی بالکل ان جیسے ہی ہو گئے۔