سورة الأنبياء

فَاسْتَجَبْنَا لَهُ وَنَجَّيْنَاهُ مِنَ الْغَمِّ ۚ وَكَذَٰلِكَ نُنجِي الْمُؤْمِنِينَ

تو ہم نے اس کی پکار سن لی اور اسے غم سے نجات دے دی اور ہم ایمان والوں کو اسی طرح بچا لیا کرتے ہیں (١)۔

استغفار موجب نجات ہے: ہم نے یونس علیہ السلام کی دعا قبول کی اور اسے اندھیروں سے اور مچھلی کے پیٹ سے نجات دی۔ اور جو بھی مومن ہمیں اس شدائد اور مصیبتوں میں پکارے گا ہم اسے نجات دیں گے۔ ایک حدیث میں آتا ہے نبی صلی اللہ علیہ وسلم نے فرمایا: ’’جس مسلمان نے بھی اس دعا کے ساتھ کسی معاملے کے لیے دعا مانگی تو اللہ نے اسے قبول فرمایا ہے۔‘‘ (ترمذی: ۳۵۰۵) دعا کے الفاظ: لَّاۤ اِلٰهَ اِلَّاۤ اَنْتَ سُبْحٰنَكَ١ۖۗ اِنِّيْ كُنْتُ مِنَ الظّٰلِمِيْنَ یہ اللہ کا وہ اسم اعظم ہے کہ جب اس کے ساتھ مانگا جائے وہ عطا فرماتا ہے۔