سورة الأنبياء

قَالَ رَبِّي يَعْلَمُ الْقَوْلَ فِي السَّمَاءِ وَالْأَرْضِ ۖ وَهُوَ السَّمِيعُ الْعَلِيمُ

پیغمبر نے کہا میرا پروردگار ہر اس بات کو جو زمین و آسمان میں ہے بخوبی جانتا ہے، وہ بہت ہی سننے والا اور جاننے والا ہے (١)

ان کے جواب میں اللہ تعالیٰ فرماتا ہے کہ یہ جو بہتان باندھتے ہیں ان سے کہیے کہ جو خدا آسمان و زمین کی تمام باتیں جانتا ہے۔ جس سے کوئی بات پوشیدہ نہیں۔ اس نے اس پاک کلام قرآن کریم کو نازل فرمایا۔ اس میں اگلی پچھلی تمام خبروں کا موجود ہونا ہی اس بات کی دلیل ہے کہ اس کا اتارنے والا عالم الغیب ہے۔ وہ تمھاری سب باتوں کو سننے والا اور تمھارے تمام حالات کا علم رکھنے والا ہے۔ پس تمھیں اس سے ڈرنا چاہیے۔