سورة طه - آیت 61

قَالَ لَهُم مُّوسَىٰ وَيْلَكُمْ لَا تَفْتَرُوا عَلَى اللَّهِ كَذِبًا فَيُسْحِتَكُم بِعَذَابٍ ۖ وَقَدْ خَابَ مَنِ افْتَرَىٰ

موسٰی (علیہ السلام) نے کہا تمہاری شامت آچکی، اللہ تعالیٰ پر جھوٹ اور افتراء نہ باندھو کہ تمہیں عذابوں سے ملیامیٹ کردے، یاد رکھو وہ کبھی کامیاب نہ ہوگا جس نے جھوٹی بات گھڑی۔ (١)۔

مقابلے سے پہلے موسیٰ علیہ السلام کی فرعونیوں کو تنبیہ: موسیٰ علیہ السلام نے اکابرین قوم فرعون کومخاطب کرتے ہوئے ایک بار پھر تنبیہ کی اور فرمایا: اب بھی سمجھ جاؤ اور معجزہ کو جادو نہ بتاؤ۔ جبکہ تم حقیقت کو پوری طرح سمجھ چکے ہو، اس لیے دوسروں کی آنکھوں میں دھول نہ ڈالو۔ اور جو شخص حق کو سمجھ لینے کے بعد اس کا انکار کرے گا۔ وہ عذاب الٰہی سے دو چار ہوگا۔