سورة مريم - آیت 97

فَإِنَّمَا يَسَّرْنَاهُ بِلِسَانِكَ لِتُبَشِّرَ بِهِ الْمُتَّقِينَ وَتُنذِرَ بِهِ قَوْمًا لُّدًّا

ترجمہ مکہ - مولانا جوناگڑھی صاحب

ہم نے اس قرآن کو تیری زبان میں بہت ہی آسان کردیا ہے (١) کہ تو اس کے ذریعہ سے پرہیزگاروں کو خوشخبری دے اور جھگڑالو (٢) کو ڈرا دے۔

تسہیل البیان فی تفسیر القرآن - ام عمران شکیلہ بنت میاں فضل حسین

کج بحثی کرنے والے: مراد ہٹ دھرم، جھگڑالو، اور کج بحثی کرنے والے قریشی سردار ہیں جو ہربات میں اعتراضات نکالنے کے عادی تھے۔ انھیں ہی یہ تنبیہ کی جا رہی ہے کہ تمھارے جیسی بہت سی اقوام کو ہم نے یوں تہس نہس کر دیا کہ ان کا نام و نشان صفحہ ہستی سے مِٹ چکا ہے۔ اور ان کی شیخیوں، گستاخیوں کی آج بھنک تک سنائی نہیں دیتی۔ الحمد للہ