سورة مريم - آیت 55

وَكَانَ يَأْمُرُ أَهْلَهُ بِالصَّلَاةِ وَالزَّكَاةِ وَكَانَ عِندَ رَبِّهِ مَرْضِيًّا

ترجمہ مکہ - مولانا جوناگڑھی صاحب

وہ اپنے گھر والوں کو برابر نماز اور زکوٰۃ کا حکم دیتا تھا، اور تھا بھی اپنے پروردگار کی بارگاہ میں پسندیدہ اور مقبول۔

تسہیل البیان فی تفسیر القرآن - ام عمران شکیلہ بنت میاں فضل حسین

اصلاح کا آغاز گھر سے ہونا چاہیے: اس آیت سے دو باتیں معلوم ہو ئیں ایک یہ کہ اصلاح اور دین کی دعوت کا آغاز اپنے بعد اپنے گھر سے کرنا چاہیے۔ پھر بتدریج اس کا حلقہ وسیع کرتے جانا چاہیے۔ اور یہی پیغمبروں اور سلف صالحین کا دستور رہا ہے۔ دوسرا یہ کہ نماز اور زکوٰۃ ایسے اہم ارکان اسلام ہیں جن کا حکم تمام انبیاء کی شریعتوں میں موجود رہا ہے۔