سورة مريم - آیت 40

إِنَّا نَحْنُ نَرِثُ الْأَرْضَ وَمَنْ عَلَيْهَا وَإِلَيْنَا يُرْجَعُونَ

خود زمین کے اور تمام زمین والوں کے وارث ہم ہی ہونگے اور سب لوگ ہماری ہی طرف لوٹا کر لائے جائیں گے۔

یعنی اس دن نہ کسی کا مُلک باقی رہے گا نہ مِلک باقی رہے گی۔ ہر چیز براہ راست مالک حقیقی کی طرف لوٹ جائے گی وہی علی الاطلاق ہر چیز کا مالک و مختار ہوگا۔ وہی ہر چیز کا وارث ہوگا مُلک و مِلک کے دعوے دار وہاں خالی ہاتھ اللہ کے سامنے پیش ہوں گے۔