سورة مريم

إِذْ نَادَىٰ رَبَّهُ نِدَاءً خَفِيًّا

جبکہ اس نے اپنے رب سے چپکے چپکے دعا کی تھی (١)

چپکے چپکے پکارا: اس کے کئی مفہوم ہو سکتے ہیں مثلاً رات کی نماز تہجد میں انسان کو جب کوئی دیکھ نہیں رہا ہوتا اور وہ بڑی دلجمعی اور سکون کے ساتھ اپنے پروردگار کو پکارتا ہے۔ دوسرا مطلب یہ کہ بڑھاپے اور مایوسی کی عمر میں ایسی بات کی درخواست کی کہ اگر دوسرے لوگ سن لیں تو مذاق اُڑائیں۔ اس لیے آہستہ آواز سے دعا کی۔ تیسرے یہ کہ جب سیدہ مریم کے پاس بے موسم کے میوے دیکھے تو دل ہی دل میں اللہ کو پکارنے لگے۔ تفسیر طبری میں ہے۔ پوشیدہ دعا اللہ کو زیادہ پیاری ہوتی ہے اور قبولیت سے زیادہ قریب ہوتی ہے۔ اللہ تعالیٰ متقی دل کو خوب جانتا ہے اور آہستگی کی آواز کو پوری طرح سنتا ہے۔