اس آیت کے مخاطب عیسائی بھی ہیں جنھوں نے حضرت عیسیٰ علیہ السلام کے ابن اللہ ہونے کو اپنے عقیدے کا لازمی جزو قرار دے دیا ہے اور مشرکین مکہ بھی جنھوں نے اللہ کے لیے بیٹوں کے بجائے کئی بیٹیاں تجویز کر رکھی تھیں جیسے لات، عُزیٰ اور منات وغیرہ اور یہود بھی جو عزیر علیہ السلام کو اللہ کا بیٹا کہتے تھے۔ گویا قرآن کے نزول کا مقصد عام لوگوں کو ڈراناتو ہے ہی بالخصوص ان لوگوں کو ڈرانا ہے جو اللہ کے لیے اولاد تجویز کرتے ہیں۔