سورة الكهف

الْحَمْدُ لِلَّهِ الَّذِي أَنزَلَ عَلَىٰ عَبْدِهِ الْكِتَابَ وَلَمْ يَجْعَل لَّهُ عِوَجًا ۜ

تمام تعریفیں اسی اللہ کے لئے سزاوار ہیں جس نے اپنے بندے پر یہ قرآن اتارا اور اس میں کوئی کسر باقی نہ چھوڑی (١)۔

یعنی اللہ تعالیٰ کے مستحق حمد وثنا ہونے کی ایک وجہ یہ بھی ہے کہ اس نے ایسی کتاب نازل فرمائی ہے جو اپنے مطلب صاف صاف بیان کرتی ہے۔ اس کے مطالب میں کوئی پیچ و خم ہے اور نہ اس کے انداز بیاں میں کوئی پیچیدگی یا اُلجھاؤ ہے۔