سورة الإسراء

إِنَّ هَٰذَا الْقُرْآنَ يَهْدِي لِلَّتِي هِيَ أَقْوَمُ وَيُبَشِّرُ الْمُؤْمِنِينَ الَّذِينَ يَعْمَلُونَ الصَّالِحَاتِ أَنَّ لَهُمْ أَجْرًا كَبِيرًا

یقیناً یہ قرآن وہ راستہ دکھاتا ہے جو بہت ہی سیدھا ہے اور ایمان والوں کو جو نیک اعمال کرتے ہیں اس بات کی خوشخبری دیتا ہے کہ ان کے لئے بہت بڑا اجر ہے۔

بہترین راہنما قرآن کریم ہے: اللہ تبارک و تعالیٰ اپنی پاک کتاب کی تعریف میں فرماتا ہے کہ یہ قرآن بہترین راہ کی طرف رہنمائی کرتا ہے ایمان والے جو فرمان نبوی صلی اللہ علیہ وسلم پر عمل کریں گے انھیں یہ بشارتیں سناتا ہے۔ اور ان کے اللہ کے پاس بہت بڑا اجر ہے۔ انھیں بے شمار ثواب ملے گا۔