سورة النحل - آیت 111

يَوْمَ تَأْتِي كُلُّ نَفْسٍ تُجَادِلُ عَن نَّفْسِهَا وَتُوَفَّىٰ كُلُّ نَفْسٍ مَّا عَمِلَتْ وَهُمْ لَا يُظْلَمُونَ

ترجمہ جوناگڑھی - محمد جونا گڑھی

جس دن ہر شخص اپنی ذات کے لئے لڑتا جھگڑتا آئے (١) اور ہر شخص کو اس کے کئے ہوئے اعمال کا پورا بدلہ دیا جائے گا اور لوگوں پر (مطلقاً) ظلم نہ کیا جائے گا (٢)۔

تسہیل البیان فی تفسیر القرآن - ام عمران شکیلہ بنت میاں فضل حسین

قیامت کے دن ہر شخص کو اپنی نجات کی فکر ہوگی، ماں باپ، بہن بھائی، بیوی اولاد کوئی کسی کے کام نہ آسکے گا حتیٰ کہ کسی سے بولنا بھی پسند نہ کرے گا۔ اس دن ہر شخص کوا س کے اعمال کا پورا پورا بدلہ دیا جائے گا کسی سے ادنیٰ سا ظلم بھی نہیں ہوگا، برائی کا اتنا ہی بدلہ ملے گا جتنی کسی نے برائی کی ہوگی البتہ نیکی کی جزا اللہ تعالیٰ خوب بڑھا چڑھا کر دے گااور یہ اس کے فضل و کرم کا مظاہرہ ہوگا جو قیامت والے دن اہل ایمان کے لیے ہوگا۔