سورة النحل

لِلَّذِينَ لَا يُؤْمِنُونَ بِالْآخِرَةِ مَثَلُ السَّوْءِ ۖ وَلِلَّهِ الْمَثَلُ الْأَعْلَىٰ ۚ وَهُوَ الْعَزِيزُ الْحَكِيمُ

آخرت پر ایمان نہ رکھنے والوں کی ہی بری مثال ہے (١) اللہ کے لئے تو بہت ہی بلند صفت ہے، وہ بڑا ہی غالب اور با حکمت ہے (٢)۔

یعنی ایسی گھٹیا صفات تو ان ظالموں کی ہی ہوسکتی ہیں جن کاروز آخرت پر ایمان نہیں ۔ اللہ تعالیٰ کی ہر صفت مخلوق کے مقابلے میں اعلیٰ و برتر ہے۔ مثلاً اس کاعلم وسیع ہے۔ اس کی قدرت لامتناہی ہے، اس کی جود وعطا بے نظیر ہے۔ وہ قادر ہے، خالق ہے، رازق ہے، سمیع وبصیر ہے۔ (فتح القدیر) اللہ کی ذات ان کے تصور سے بھی بلند تر اور ماورا ہے۔ اصل یہ ہے کہ بُری مثال اور نقصان انہی کافروں کے لیے ہے ۔ اللہ کے لیے کمال ہے وہ عزیز و حکیم ہے ۔ اور ذوالجلال والاکرام ہے۔