سورة الحجر - آیت 3

ذَرْهُمْ يَأْكُلُوا وَيَتَمَتَّعُوا وَيُلْهِهِمُ الْأَمَلُ ۖ فَسَوْفَ يَعْلَمُونَ

ترجمہ مکہ - مولانا جوناگڑھی صاحب

آپ انھیں کھاتا، نفع اٹھاتا اور (جھوٹی) امیدوں میں مشغول ہوتا چھوڑ دیجئیے یہ خود بھی جان لیں گے (١)۔

تسہیل البیان فی تفسیر القرآن - ام عمران شکیلہ بنت میاں فضل حسین

یعنی یہ کافرو مشرک اپنے کفر و شرک سے باز نہیں آ رہے تو انھیں چھوڑ دیجئے یہ دنیاوی لذتوں سے محظوظ ہو لیں اور اپنی اُمیدیں بر لائیں ۔ عنقریب انھیں اپنے کفر و شرک کاانجام معلوم ہوجائے گا۔