سورة یوسف - آیت 14

قَالُوا لَئِنْ أَكَلَهُ الذِّئْبُ وَنَحْنُ عُصْبَةٌ إِنَّا إِذًا لَّخَاسِرُونَ

ترجمہ مکہ - مولانا جوناگڑھی صاحب

انہوں نے جواب دیا کہ ہم جیسی (زور آور) جماعت کی موجودگی میں بھی اگر اسے بھیڑیا کھا جائے تو ہم بالکل نکمے ہی (١) ہوئے۔

تسہیل البیان فی تفسیر القرآن - ام عمران شکیلہ بنت میاں فضل حسین

اس کے جواب میں بھائیوں نے کہا کہ ہم اتنے بھائیوں کی موجودگی میں یہ کس طرح ہو سکتا ہے کہ بھیڑیا یوسف علیہ السلام کو کھا جائے۔ اگر ہم اپنے بھائی کی حفاظت نہ کر سکیں تو ہم کس کام کے۔ آخر ہم اتنے گئے گزرے تو نہیں۔