سورة ھود - آیت 95

كَأَن لَّمْ يَغْنَوْا فِيهَا ۗ أَلَا بُعْدًا لِّمَدْيَنَ كَمَا بَعِدَتْ ثَمُودُ

ترجمہ مکہ - مولانا جوناگڑھی صاحب

گویا کہ وہ ان گھروں میں کبھی بسے ہی نہ تھے، آگاہ رہو مدین کے لئے بھی ویسی ہی دوری (١) ہو جیسی دوری ثمود کو ہوئی۔

تسہیل البیان فی تفسیر القرآن - ام عمران شکیلہ بنت میاں فضل حسین

قوم مدین پر ایسی پھٹکار پڑی جیسے ان سے پہلے قوم ثمود پر پڑی تھی۔ یہ دونوں قومیں اللہ کی لعنت کی مستحق بنیں۔ اہل ثمود ان کے پڑوسی تھے اور گناہ اور بدامنی میں انھی جیسے تھے اور یہ دونوں قومیں عرب سے ہی تعلق رکھتی تھیں۔ لعنت یعنی پھٹکار سے مراد اللہ کی رحمت سے محرومی اور دوری ہے۔