سورة ھود - آیت 50

وَإِلَىٰ عَادٍ أَخَاهُمْ هُودًا ۚ قَالَ يَا قَوْمِ اعْبُدُوا اللَّهَ مَا لَكُم مِّنْ إِلَٰهٍ غَيْرُهُ ۖ إِنْ أَنتُمْ إِلَّا مُفْتَرُونَ

اور قوم عاد کی طرف سے ان کے بھائی ہود کو ہم (١) نے بھیجا، اس نے کہا میری قوم والو! اللہ ہی کی عبادت کرو، اس کے سوا تمہارا کوئی معبود نہیں، تم صرف بہتان باندھ رہے ہو (٢)۔

اللہ تعالیٰ نے حضرت ہود علیہ السلام کی قوم کی طرف اپنا رسول بنا کر بھیجا انھوں نے قوم کو اللہ کی توحید کی دعوت دی۔ اور بتلایا کہ اللہ کے سوا تم جن کو پوجتے ہو یہ عقائد تم نے خود ہی گھڑ رکھے ہیں ان کے لیے کوئی دلیل موجود نہیں۔ نیز ان معبودوں کے مجسمے بھی خود ساختہ ہیں۔