سورة یونس - آیت 32

فَذَٰلِكُمُ اللَّهُ رَبُّكُمُ الْحَقُّ ۖ فَمَاذَا بَعْدَ الْحَقِّ إِلَّا الضَّلَالُ ۖ فَأَنَّىٰ تُصْرَفُونَ

ترجمہ مکہ - مولانا جوناگڑھی صاحب

سو یہ ہے اللہ تعالیٰ جو تمہارا رب حقیقی ہے۔ پھر حق کے بعد اور کیا رہ گیا بجز گمراہی کے، پھر کہاں پھرے جاتے ہو (١)۔

تسہیل البیان فی تفسیر القرآن - ام عمران شکیلہ بنت میاں فضل حسین

تمھارا رب، معبود حقیقی تو یہی پروردگار ہے۔ جسے کے بارے میں تمھیں خود اعتراف ہے کہ ہر چیز کا خالق و مالک، مدبر وہی ہے۔ ہر چیز کی بادشاہت اُسی کے ہاتھ میں ہے۔ زمین و آسمان، اور خشک و تر کا مالک ہے۔ عالم بالا اور عالم سفلٰی اسی کا ہے۔ سب جن و انس، فرشتے اور مخلوق اس کے سامنے عاجز و بے بس ہیں۔ پھر اس معبود کو چھوڑ کر جو تم دوسرے معبود بنائے پھرتے ہو وہ گمراہی کے سوا کچھ نہیں تمھاری سمجھ میں یہ بات کیوں نہیں آتی؟ تم کہاں پھر ے جاتے ہو۔