سورة التوبہ - آیت 68

وَعَدَ اللَّهُ الْمُنَافِقِينَ وَالْمُنَافِقَاتِ وَالْكُفَّارَ نَارَ جَهَنَّمَ خَالِدِينَ فِيهَا ۚ هِيَ حَسْبُهُمْ ۚ وَلَعَنَهُمُ اللَّهُ ۖ وَلَهُمْ عَذَابٌ مُّقِيمٌ

ترجمہ مکہ - مولانا جوناگڑھی صاحب

اللہ تعالیٰ ان منافق مردوں، عورتوں اور کافروں سے جہنم کی آگ کا وعدہ کرچکا ہے جہاں یہ ہمیشہ رہنے والے ہیں، وہی انہیں کافی ہے ان پر اللہ کی پھٹکار ہے، اور ان ہی کے لئے دائمی عذاب ہے۔

تسہیل البیان فی تفسیر القرآن - ام عمران شکیلہ بنت میاں فضل حسین

منافق راہ حق سے دور ہوکر گمراہی کے چکر میں پھنس گئے ہیں ان منافقوں اور کافروں کو مرد ہو یا عورتیں، انکی بداعمالیوں کی سزا ان کے لیے اللہ تعالیٰ نے جہنم کو مقرر فرما رکھا ہے جہاں وہ ابدالآباد تک رہیں گے، اور اللہ کی لعنت ہے ان منافقین پر۔