سورة التوبہ

ثُمَّ أَنزَلَ اللَّهُ سَكِينَتَهُ عَلَىٰ رَسُولِهِ وَعَلَى الْمُؤْمِنِينَ وَأَنزَلَ جُنُودًا لَّمْ تَرَوْهَا وَعَذَّبَ الَّذِينَ كَفَرُوا ۚ وَذَٰلِكَ جَزَاءُ الْكَافِرِينَ

پھر اللہ نے اپنی طرف کی تسکین اپنے نبی پر اور مومنوں پر اتاری اور اپنے لشکر بھیجے جنہیں تم دیکھ نہیں رہے تھے اور کافروں کو پوری سزا دی۔ ان کفار کا یہی بدلہ تھا۔

(۱)اللہ تعالیٰ نے ان پر سکنیت نازل فرماکر مدد فرمائی، جس سے ان کے دلوں سے دشمن کا خوف دور ہوگیا۔ (۲)فرشتوں کا نزول ہوا۔ اس جنگ میں مسلمانوں نے چھ ہزار قیدی بنائے۔ (جنھیں بعد میں نبی صلی اللہ علیہ وسلم کی درخواست پر چھوڑ دیا گیا) اور بہت سا مال غنیمت حاصل ہوا۔ جنگ کے بعد ان کے بہت سے سردار بھی مسلمان ہوگئے۔ تین آیات میں اللہ تعالیٰ نے مختصر واقعہ کا ذکر فرمایا ہے۔