سورة التوبہ

اشْتَرَوْا بِآيَاتِ اللَّهِ ثَمَنًا قَلِيلًا فَصَدُّوا عَن سَبِيلِهِ ۚ إِنَّهُمْ سَاءَ مَا كَانُوا يَعْمَلُونَ

انہوں نے اللہ کی آیتوں کو بہت کم قیمت پر بیچ دیا اور اس کی راہ سے روکا بہت برا ہے جو یہ کر رہے ہیں۔

بد عہد قوم کے اوصاف: اللہ تعالیٰ کی آیات تو انھیں بھلائی، راستی اور عہد کی پابندی کی دعوت دیتی ہیں۔ا ور یہ چند روزہ دنیوی فائدے کے حصول کی خاطر اپنی خواہش نفس کی تکمیل کے لیے سب اخلاقی اقدار اور اللہ کے احکام کو پس پشت ڈال دیتے ہیں، پھر اسی پر اکتفا نہیں کرتے بلکہ دوسروں کو بھی مسلمانوں سے بد عہدی پر اُکساتے اور اسی راہ پر چلنے کی دعوت دیتے ہیں اور بہت بُرے ہیں جو یہ کام کرتے ہیں