سورة الانفال

كَدَأْبِ آلِ فِرْعَوْنَ ۙ وَالَّذِينَ مِن قَبْلِهِمْ ۚ كَذَّبُوا بِآيَاتِ رَبِّهِمْ فَأَهْلَكْنَاهُم بِذُنُوبِهِمْ وَأَغْرَقْنَا آلَ فِرْعَوْنَ ۚ وَكُلٌّ كَانُوا ظَالِمِينَ

مثل حالت فرعونیوں کے اور ان سے پہلے کے لوگوں کے کہ انہوں نے اپنے رب کی باتیں جھٹلائیں۔ پس ان کے گناہوں کے باعث ہم نے انہیں برباد کیا اور فرعونیوں کو ڈبو دیا۔ یہ سارے ظالم تھے (١)

یعنی ان کفار مکہ سے پہلے ہم نے آل فرعون اور دوسری اقوام پر انعامات کی بارش کی تھی۔ لیکن انھوں نے انعامات کی ناقدری کی۔ ان کی نیتوں میں بھی فتور آگیا، اللہ کی فرمانبرداری اور شکرادا کرنے کی بجائے وہ اس کی نافرمانی اور سرکشی پر اتر آئے تھے، لہٰذا ہم نے انھیں تباہ و برباد کر ڈالا اور آل فرعون کو تو ڈبوہی ڈالا اور اسکا نام و نشان تک ختم کر ڈالا۔ یہ سب ظالم تھے، اللہ نے ان پر کوئی ظلم نہیں کیا۔