سورة الانفال - آیت 23

وَلَوْ عَلِمَ اللَّهُ فِيهِمْ خَيْرًا لَّأَسْمَعَهُمْ ۖ وَلَوْ أَسْمَعَهُمْ لَتَوَلَّوا وَّهُم مُّعْرِضُونَ

ترجمہ مکہ - مولانا جوناگڑھی صاحب

اور اگر اللہ تعالیٰ ان میں کوئی خوبی دیکھتا تو ان کو سننے کی توفیق دے دیتا (١) اور اگر ان کو اب سنادے تو ضرور روگردانی کریں گے بے رخی کرتے ہوئے (٢)

تسہیل البیان فی تفسیر القرآن - ام عمران شکیلہ بنت میاں فضل حسین

ایسے لوگوں میں صحیح فہم والی عقل ہی نہیں ہوتی نہ عمل صالح کی انھیں تو فیق ہی ہوتی ہے ۔اگر ان میں بھلائی ہوتی تو اللہ انھیں سنا دیتا، چونکہ اللہ تعالیٰ کو علم ہے کہ انھیں سنا یا اور سمجھا یا بھی جائے یہ اپنی سر کشی سے باز نہیں آئیں گے، بلکہ اور اکڑکر بھاگ جائیں گے ۔