سورة الاعراف

إِنَّ وَلِيِّيَ اللَّهُ الَّذِي نَزَّلَ الْكِتَابَ ۖ وَهُوَ يَتَوَلَّى الصَّالِحِينَ

یقیناً میرا مددگار اللہ تعالیٰ ہے جس نے یہ کتاب نازل فرمائی اور وہ نیک بندوں کی مدد کرتا ہے۔

جب میرا سر پرست اور کار ساز اللہ ہے، جس نے یہ قرآن نازل کیا تو پھر مجھے تمہارے معبودو ں سے نقصان پہنچنے کا کیا خطرہ ہو سکتا ہے، حقیقت یہ ہے کہ یہ بات صرف مجھی پر منحصر نہیں، اللہ اپنے سب نیک بندوں کی سرپرستی فرماتا ہے، اوراللہ کی یہ سر پرستی کیا کم ہے کہ اس نے قرآن جیسی بابرکت کتاب ہمارے لیے نازل فرمائی جو زندگی کے ہر پہلو میں ہماری راہنمائی کرتی ہے۔ اللہ حمایت کیسے کرتا ہے: نیکی کرنے کی توفیق اللہ ہی دیتا ہے،اسلام کے راستے پر چلنے کی توفیق دیتا ہے،اور مدد بھی کر تا ہے، یہ بھی اللہ کی تو فیق اور مدد ہے کہ وہ مہلت دیتا ہے منہ موڑ نے والے اسکے راستے پر پلٹ آئیں ۔