سورة الاعراف

وَالَّذِينَ كَذَّبُوا بِآيَاتِنَا سَنَسْتَدْرِجُهُم مِّنْ حَيْثُ لَا يَعْلَمُونَ

اور جو لوگ ہماری آیات کو جھٹلاتے ہیں ہم ان کو بتدریج (گرفت میں) لئے جا رہے ہیں اس طور پر کہ انہیں خبر بھی نہیں۔

قانون تدریج: اللہ تعالیٰ کی سنت یہ ہے کہ وہ مجرم لوگوں کو تنبیہ اور سرزنش کے طور پر پہلے چھوٹے چھوٹے دُکھ اور تکلیفیں نازل فرماتا ہے،اور اگر لوگ ان سے عبرت حاصل نہ کریں تو پھر دوسرے طریقہ سے آزماتا ہے،یعنی ان پر آسودگی اور خوشحالی کا دور آتا ہے، جس میں وہ ایسے مگن و متفرق ہو جاتے ہیں کہ انھیں سابقہ تکلیفیں یاد ہی نہیں رہتیں،اور وہ سمجھنے لگتے ہیں کہ اللہ ان پر مہربان ہے، حالانکہ اللہ تعالی ان کو مہلت دے رہا ہوتا ہے کہ جس انتہا تک پہنچنا چاہتے ہیں پہنچ جائیں، پھر یکدم ان کو عذاب سے دو چار کر دیتا ہے، اسوقت کوئی طاقت ان کو عذاب سے بچانھیں سکتی۔