سورة الاعراف

وَكَذَٰلِكَ نُفَصِّلُ الْآيَاتِ وَلَعَلَّهُمْ يَرْجِعُونَ

ہم اسی طرح آیات کو صاف صاف بیان کرتے ہیں تاکہ وہ باز آجائیں۔

یعنی معرفت حق کے جو نشانات انسان کے اپنے نفس میں مو جود ہیں ان کو صاف صاف بتا دیے ہیں، مثلاً عہد الست، انسان کواللہ کی فطرت پر پیدا کیا، اچھائی اور بُرائی نفس میں رکھ دی گئی انسان جب کوئی بُرا کام کرتا ہے، تو دل میں کھٹک پیدا ہوتی ہے، بھلائی کا کام کرے تو دل کو سکون ملتا ہے، اور یہ سب کچھ اللہ تعالیٰ نے اس لیے کیا کہ انسان بغاوت و انحراف کی روش چھوڑکر بندگی اور اطاعت کے رویہ کی طرف پلٹ آئیں۔