سورة الاعراف

قَالُوا إِنَّا إِلَىٰ رَبِّنَا مُنقَلِبُونَ

انہوں نے جواب دیا کہ ہم (مر کر) اپنے مالک ہی کے پاس جائیں گے (١)

اسکا ایک مفہوم تو یہ ہے کہ اگر تو ہمارے ساتھ ایسا معاملہ کرے گا تو تجھے بھی اس بات کے لیے تیار رہنا چاہیے کہ قیامت والے دن اللہ تعالیٰ تجھے اس جرم کی سخت سزا دے گا، اس لیے کہ ہم سب کو مر کر اسی کے پاس جانا ہے، اس کے عذاب سے کون بچ سکتا ہے، فرعون کو عذاب دنیا کے مقابلے میں عذاب آخرت سے ڈرایا گیا ہے، دوسر ا مفہوم کہ موت تو ہمیں آنی ہی ہے ہمارے نزدیک دنیا کی سزائیں بھگت لیناآخرت کے عذاب بھگتنے سے زیادہ آسان ہے ۔اور اس سے کیا فرق پڑتا ہے کہ موت سولی پر آئے یا کسی اور طریقے سے آئے۔