سورة الاعراف - آیت 87

وَإِن كَانَ طَائِفَةٌ مِّنكُمْ آمَنُوا بِالَّذِي أُرْسِلْتُ بِهِ وَطَائِفَةٌ لَّمْ يُؤْمِنُوا فَاصْبِرُوا حَتَّىٰ يَحْكُمَ اللَّهُ بَيْنَنَا ۚ وَهُوَ خَيْرُ الْحَاكِمِينَ

ترجمہ مکہ - مولانا جوناگڑھی صاحب

اور اگر تم میں سے کچھ لوگ اس حکم پر جس کو دے کر مجھ کو بھیجا گیا ایمان لے آئے ہیں اور کچھ ایمان نہیں لائے تو ذرا ٹھہر جاؤ! یہاں تک کہ ہمارے درمیان اللہ فیصلہ کئے دیتا ہے اور وہ سب فیصلہ کرنے والوں سے بہتر ہے۔

تسہیل البیان فی تفسیر القرآن - ام عمران شکیلہ بنت میاں فضل حسین

ایک گروہ ایمان لے آیا اور ایک گروہ نے کفر کیا۔ شعیب علیہ السلام نے اپنی قوم سے کہا کہ اب تم خود دیکھ لو گے کہ اللہ کی مدد کس کا ساتھ دیتی ہے۔ اور کون اللہ کی نظروں سے گرجاتا ہے۔ تم سب اللہ کے فیصلے کے منتظر رہو وہ فیصلہ کرنے والوں میں سب سے اچھا اور سچا فیصلہ کرنے والا ہے تم دیکھو گے کہ اللہ والے بامراد ہونگے اور اللہ کے دشمن نامراد ہوں گے۔