سورة الاعراف

فَتَوَلَّىٰ عَنْهُمْ وَقَالَ يَا قَوْمِ لَقَدْ أَبْلَغْتُكُمْ رِسَالَةَ رَبِّي وَنَصَحْتُ لَكُمْ وَلَٰكِن لَّا تُحِبُّونَ النَّاصِحِينَ

اس وقت (صالح علیہ السلام) ان سے منہ موڑ کر چلے گئے اور فرمانے لگے (١) کہ اے میری قوم میں نے تو تم کو اپنے پروردگار کا حکم پہنچا دیا تھا اور میں نے تمہاری خیر خواہی کی لیکن تم لوگ خیر خواہوں کو پسند نہیں کرتے۔

حضرت صالح علیہ السلام نے قوم کو عذاب سے مطلع کرتے ہوئے فرمایا کہ میں نے تمہیں اللہ کا پیغام بھی پہنچا دیا تھا اور تمہاری خیر خواہی بھی کی، لیکن تم ان باتوں کا مذاق اڑاتے رہے، نہ حق کی پیروی کی، نہ اپنے خیر خواہ کی بات مانی، اب تم جانو اور تمہارا کام، یہ کہہ کر آپ اپنے ساتھیوں کو لے کر وہاں سے نکل گئے۔