سورة الإنسان - آیت 27

إِنَّ هَٰؤُلَاءِ يُحِبُّونَ الْعَاجِلَةَ وَيَذَرُونَ وَرَاءَهُمْ يَوْمًا ثَقِيلًا

ترجمہ مکہ - مولانا جوناگڑھی صاحب

بیشک یہ لوگ جلدی ملنے والی (دنیا) کو چاہتے ہیں (١) اور اپنے پیچھے ایک بڑے بھاری دن کو چھوڑے دیتے ہیں (٢)۔

تفسیر ترجمان القرآن - مولانا ابوالکلام آزاد

(٧) دنیا پرستی ایک ایسی چیز ہے جس کی وجہ سے انسان اخلاق وعقائد کی گمراہیوں میں مبتلا ہوتا ہے یہاں پر (آیت ٢٧ میں) یہی فرمایا کہ یہ لوگ دنیا سے محبت کرتے ہیں جب کہ آخرت کو ان لوگوں نے پس پشت ڈال رکھا ہے۔