سورة الشورى

أَمْ لَهُمْ شُرَكَاءُ شَرَعُوا لَهُم مِّنَ الدِّينِ مَا لَمْ يَأْذَن بِهِ اللَّهُ ۚ وَلَوْلَا كَلِمَةُ الْفَصْلِ لَقُضِيَ بَيْنَهُمْ ۗ وَإِنَّ الظَّالِمِينَ لَهُمْ عَذَابٌ أَلِيمٌ

کیا ان لوگوں نے ایسے (اللہ کے) شریک (مقرر کر رکھے) ہیں جنہوں نے ایسے احکام دین مقرر کردیئے جو اللہ کے فرمائے ہوئے نہیں اگر فیصلے کا دن کا وعدہ نہ ہوتا تو (ابھی ہی) ان میں فیصلہ کردیا جاتا یقیناً (ان) ظالموں کے لئے دردناک عذاب ہے۔

(٨) آیت ٢١ میں شرکاء سے مراد وہ بت نہیں ہیں جن کی وہ پوجا کرتے تھے بلکہ ان سے وہ روسا مراد ہیں جوان کے لیے حلال وحرام کے طریقے مقرر کرتے اور اللہ کے حکم کے خلاف اپنے پاس سے شریعت وفقہ کی تدوین کرتے جیسے یہودی علماء کے متعلق فرمایا : یکتبون الکتاب بایدیھم ثم یقولونو ھذا من عنداللہ۔