سورة الفرقان - آیت 50

وَلَقَدْ صَرَّفْنَاهُ بَيْنَهُمْ لِيَذَّكَّرُوا فَأَبَىٰ أَكْثَرُ النَّاسِ إِلَّا كُفُورًا

ترجمہ جوناگڑھی - محمد جونا گڑھی

اور بیشک ہم نے اسے ان کے درمیان طرح طرح سے بیان کیا تاکہ (١) وہ نصیحت حاصل کریں، مگر پھر بھی اکثر لوگوں نے سوائے ناشکری کے مانا نہیں۔ (٢)

تفسیر ترجمان القرآن - مولانا ابوالکلام آزاد

(١٠) اب آیت ٤٥ سے ٥٠ تک توحید پر کوئی دلیل پیش کیے ہیں اور یہ وہ کونی اور آفاقی دلائل ہیں جن پر قرآن نے بار بار غوروفکر کی دعوت دی ہے اس لیے آخر میں فرمایا (ولقد صرفناہ بینھم لیذکروا) کہ ہم نے گوناگوں اسالیب سے ان کو واضح کردیا ہے تاکہ وہ یاد دہانی حاصل کریں۔