سورة التكوير

وَمَا هُوَ عَلَى الْغَيْبِ بِضَنِينٍ

اور یہ غیب کی باتوں کو بتلانے کے لئے بخیل بھی نہیں۔

(ف 1)ضَنِينٍ بالضاد کے معنی بخل کے ہیں ۔ غرض یہ ہے کہ حضرت محمد (ﷺ) کو جو باتیں رشد و ہدایت کے سلسلہ میں اللہ تعالیٰ کی جانب سے معلوم ہوتی ہیں ، وہ ان کو ازراہ بخل نہیں چھپاتے بلکہ بلاکم وکاست بندوں تک پہنچادیتے ہیں ۔ ایک قرات میں ظنین بالظاء بھی آیا ہے ۔ اس کے معنی متہم ہونے کے ہیں ۔ اس صورت میں غرض یہ ہوگی کہ جناب رسالت مآب (ﷺ) کذب وافتراء سے متہم نہیں ہیں بلکہ ان کی ساری زندگی صداقت شعاری سے مملورہی ہے جس کو تم بھی جانتے ہو ۔ قرأتین کے توافق سے معلوم ہتا ہے کہ ضاد کو ظاء کے قریب قریب پڑھنا چاہیے ۔