سورة الإنسان - آیت 9

إِنَّمَا نُطْعِمُكُمْ لِوَجْهِ اللَّهِ لَا نُرِيدُ مِنكُمْ جَزَاءً وَلَا شُكُورًا

ترجمہ جوناگڑھی - محمد جونا گڑھی

ہم تمہیں صرف اللہ تعالیٰ کی رضامندی کے لئے کھلاتے ہیں نہ تم سے بدلہ چاہتے ہیں نہ شکرگزاری۔

تفسیرسراج البیان - محممد حنیف ندوی

جنت کے کون مستحق ہیں ؟ (ف 1) کافور کی آمیزش کے معنی یہ ہیں کہ شراب کی ترشی اور سفیدی کافور کی طرح ہوگی اور یا یہ ایک مخصوص چشمہ کا نام ہے ۔ بہرحال غرض یہ ہے کہ نیک اور ابرار لوگ جنہوں نے اپنے فرائض کو باحسن وجوہ ادا کیا ہے ۔ جو یوم الحساب کی سختیوں سے خائف رہے ہیں اور جن کے دل میں بنی نوع کے لئے جذبات محبت اور ہمدردی موجزن رہے ہیں ۔ جنہوں نےازراہ اخلاص مسکینوں ، یتیموں اور اسیروں کو کھانا کھلایا ہے ۔ آج ان نعمتوں کا استحقاق رکھتے ہیں ان کے لئے چشمہ کافور کی شراب ہے جنت اور باغ ہے زیبا اور قاقم ہے ریشم اور پورنبان ہے ۔ یہ مسہریوں پر عزت اور وقار سے متمکن ہیں ۔