أَكُفَّارُكُمْ خَيْرٌ مِّنْ أُولَٰئِكُمْ أَمْ لَكُم بَرَاءَةٌ فِي الزُّبُرِ
اے قریشیو! کیا تمہارے کافر ان کافروں سے کچھ بہتر ہیں؟ (١) یا تمہارے لئے اگلی کتابوں میں چھٹکارا لکھا ہوا ہے۔
(ف 3) فرمایا مکے والو ! کیا تم ان لوگوں سے بہتر ہو جن کو اللہ کے غضب نے صفحہ ہستی سے مٹا دیا ۔ یا تمہارے لئے کوئی معافی نامہ سابقہ کتب میں موجود ہے کہ تمہیں بہرآئینہ زندہ اور باقی رکھا جائیگا تمہاری سرکشی اور بغاوت کا آخر سبب کیا ہے ؟ کیا تم یہ سمجھتے ہو کہ تمہاری جماعت بہر نہج مظفر ومنصوررہے گی ۔ اگر اس غلط فہمی میں مبتلا ہو تو سمجھ لو کہ حکمت اور ہزیمت تمہارے لئے مقدارات میں سے ہے ۔ عنقریب تم حق وصداقت کے سپاہیوں کے مقابلہ میں آؤ گے اور دم دبا کر بھاگو گے ۔ یہ ایک پیشگوئی تھی اور اس کا اظہار اس وقت کیا گیا جب کہ مسلمان نہایت کمزور اور بےسروسامانی کے عالم میں تھے ۔ پھر یہ کس قدر عجیب بات ہے کہ غزوہ بدر میں واقعی یہ لوگ ذلیل ورسوا ہوئے اور اللہ کا بول بالا ہوا ۔