سورة ص - آیت 16

وَقَالُوا رَبَّنَا عَجِّل لَّنَا قِطَّنَا قَبْلَ يَوْمِ الْحِسَابِ

ترجمہ جوناگڑھی - محمد جونا گڑھی

اور انہوں نے کہا کہ اے ہمارے رب! ہماری سر نوشت تو ہمیں روز حساب سے پہلے ہی دے دے (١)

تفسیرسراج البیان - محممد حنیف ندوی

(ف 1) یعنی یہ لوگ تکذیب رسل میں کوئی ندرت سے کام نہیں لے رہے ، ان سے پہلے بھی قوموں نے اپنے پیغمبروں کو جھٹلایا اور اللہ کا غضب اور غصہ حرکت میں آیا ہے ۔ اور ان منکرین کو چشم زدن میں صفحہ ہستی سے مٹا دیا گیا ہے ۔ اس لئے اگر یہ بھی اسی انجام کے منتظر ہیں اور یہی چاہتے ہیں کہ اللہ کی غیرت کو آزمائیں ۔ تو یہ بھی دیکھ لیں اس کی سنت میں کوئی تبدیلی نہیں ہوئی ۔ وہ اب بھی فطرت کے دشمنوں سے پوری طرح انتقام لے گا اور انہیں بتائے گا کہ حق وصداقت کا انکار کس درجہ مذموم ہوتا ہے ۔