سورة الإنسان - آیت 9

إِنَّمَا نُطْعِمُكُمْ لِوَجْهِ اللَّهِ لَا نُرِيدُ مِنكُمْ جَزَاءً وَلَا شُكُورًا

ترجمہ مکہ - مولانا جوناگڑھی صاحب

ہم تمہیں صرف اللہ تعالیٰ کی رضامندی کے لئے کھلاتے ہیں نہ تم سے بدلہ چاہتے ہیں نہ شکرگزاری۔

تفسیر ثنائی - ثنا اللہ امرتسری

اس خیال سے کہ اللہ ہم کو اس کا بدلہ دے اسی لئے موقع ہو تو کہہ دیا کرتے ہیں کہ ہم تم مسکینوں قیدیوں وغیرہ کو محض اللہ کو راضی کرنے کے لئے کھلاتے ہیں اس کا احسان تم پر نہیں رکھتے اور نہ تم سے اس کا بدلہ یا شکریہ چاہتے ہیں یہ اس لئے کہتے ہیں کہ کھانا کھا کر غریب لوگ ان کے سامنے ذلیل نہ ہوں